Tornado II

Il habeva nove ruitos nunc. Teresa audiva serras electric e camiones. Il debeva esser que illes removeva arborres cadite in le strata vicin. Depost audiva le sono del campanas del ecclesia. Il debeva esser depost del quatro horas.
     Illa deberea haber essite in casa jam plus de un hora retro. Proque non veniva su matre? "Forsan illa pensa que io es in casa de Johanna o de Catherina." Pensava Teresa.
     Su matre non poterea telephonar si le cablos del linea esseva rumpite. Quanto tempore sperarea illa ante de cercar pro Teresa? Le hora de cenar? Le vespere? Le nocte? Teresa non credeva que illa poterea sperar usque alcun persona veniva . Illa debeva cercar adjuta illa mesme. Ma como?
     Un altere vice illa tentava aperir le porta. Il debeva esser bloccate desde le altere latere. Le unic sortita esseva per le apertura in le tecto, in alto de illa. E alora illa critava usque su voce esseva rauc.
     Si illa habeva alcun cosa pro facer signos, como un bandiera, e un baston al qual illa poterea attaccar le bandiera. Illa faceva passos false super le disordine del solo, cercando un bandiera e un baston. Il non habeva nihil.
     Su manos esseva  secate e dolorose. Un altere vice illa reposava. Le parietes pareva troppo alte pro ascender. Ma illa non habeva vermente tentate facer lo. Illa forsan poterea ascender le pariete e petir le adjuta de alcun persona. Si illa tentava, illa deberea facer lo ante del vespere.
     Illa poneva un pede super le planca plus basse. Caute e lentemente, illa se levava super illo. Le plancas tremulava e su corde palpitava. Un altere passo in alto, un altere plus. Al fin le planca plus alte e nunc illa reposava super su manos e genus. Illa se sentiva fatigate per le dolor. Le parte superior del pariete ancora esseva in alto de illa. Esque illa arrivava hic pro nihil?
     "Guai! Non!" --diceva illa.
     Lentemente illa se levava. Le parte superior del pariete a pena esseva accessibile. Illa contemplava le pariete e un pecia de ligno que esseva  proxime. Si illa poteva levarse usque illac, securemente illa poterea critar per adjuta. Teresa extendeva su bracios in alto e sassiva le parte superior.
     Su scarpas se glissava contra le pariete. Illa tentava un altere vice, e al fin illa poteva poner un pede super le pariete. Illa se levava e montava un gamba super le parte superior del pariete, e le altere super le pecia de ligno.
     Illa poteva circumspicer ben desde illac. Le branca de musica e de arte del edificio del schola esseva sin tecto. Tote le salas esseva al aere libere. Ubicunque on mirava, il habeva fenestras rumpite. Le autos del maestros esseva  jectate per omne partes mesmo como objectos de joco pro infantes. Le arbores que esseva al latere del strata esseva displantate como si un mano enorme habeva eradicate los. In le lucte nocturne, illa videva que le strata esseva bloccate. Le obreros del citate removeva le arbores cadite.
     Illa faceva signos con su mano. Le serras susurrava como vespas. Le personas contemplava su casas desde foras. Nemo poteva audir la. Nemo poteva vider la.
     Esque illa haberea que remaner tote le nocte in ille sito?
     Alora, detra del branca occidental del schola, illa videva un lumine fluctuante que faceva circulos per le solo. Alcun persona con lampa de tasca avantiava cautemente per le gazon.
     "Auxilio!" --illa critava. "Adjuva me per favor! Auxilio!" Le lumine se deteniva, illuminante le edificio.
     "Hic! In alto! Hic! Le sala de musica!"
     "Qui es?" Demandava un voce masculin.
     "Teresa Rivera. Per favor, adjuva me!"
     "Teresa! Ubi es tu? Il es le Sr. Cela."
     "In alto del pariete del cabinetto."
     "Non te move tu! --critava ille. "Io trahera adjuta. Non te move tu; io retornara in un momento!"
     Illa poteva vider le lumine del Sr. Cela dum que ille camminava al strata. Le sono del serra electric cessava. Le lumine retornava  verso le direction de Teresa.
     "Adjuta jam veni. Tene te firme; io conta in te, Teresa. Tu pote facer lo."
     Ille continuava parlante. Illa gustava de audir su voce e saper que ille esseva circa. In alcun minutas arrivava un auto de politia que accendeva un pharo.
     "On te va levar con un grue de remulcator de autos, Teresa.  Tu sape lo que es. Le obreros lo usa quando fixa semaphoros. Il veni hic nunc."
     "Vamos levar te al hospital pro examinar ille contussion del capite." Diceva le Sr. Cela.
      Durante lor viage al hospital ille parlava. "Tu debeva haber essite inconsciente un hora o plus. Le portero e io examinava le sala de banda. Io retornava tanto tosto que io videva a mi sposa e apprendeva del tornado. Le alumnos non esseva ferite. Io non pote pardonar me le facto que nos non examinava intra le cabinetto. Io demandava per te, ma le classe me diceva que tu non habeva retornate."
     "Nemo me videva. Io me deteniva pro prender le musica. Io sperava que mi mamma cercara pro me."
     Le conductor diceva, "Tu mamma reportava iste tarde que tu esseva disparite. Ma ante de illo, on habeva examinate le schola in cerca de alumnos. Nos credeva que tu esseva in casa de un amica, e que tu aparerea tosto. Que faceva illac Sr. Cela?
     "Io retornava a vider si poteva salvar alcun instrumentos musical."
     "Si vos non retornava," diceva Teresa, "ancora io esserea illac in alto del pariete."
     "Tu haberea trovate un  exito, Teresa," diceva Sr. Cela. "Io sape que io pote contar  in te, mesmo durante un tornado!"

Teresa extendeva su bracios in alto e sassiva le parte superior.
* * *
Su scarpas se glissava contra le pariete.

In Principio | Tornado I | Tornado II | Al Fin