Tornado I

     Il continuava pluver. Le celo gris guttava super le citate le tote matino. Il esseva humide e faceva calor --troppo calor pro le Florida, mesmo pro le primavera. Ni un alumno de West End High sortiva foras durante le hora de lunch.
     Teresa Rivera mirava le guttas que se moveva lentemente per le fenestras del cafeteria. Il pareva que no cessarea pluver in tempore pro poter practicar le banda. Illa iva sonar in le banda marchante le autumno proxime.
     "Il non ha dubita que tu es bon!" Le Sr. Cela habeva le dicite le septimana passate. "Tu es un del melio membros que nos ha habite!"
     "Gratias. Ma a vices io oblida mi pedes," diceva illa.
     Un campana sonava in le cafeteria. Solmente cinque minutas ante del classe proxime. Teresa se promenava per le corridor a su classe de anglese.
     Le Sra. Restrepo accendeva le lumines. Il comenciava pluver multo, e foras il esseva quasi tanto obscur como le nocte. Teresa esseva secur que le banda non haberea practica. Le solo esserea troppo molliate mesmo si il cessava pluver tosto.
     Le classe de anglese a pena habeva comeciate quando illes appellava a Teresa  pro que illa sorti del classe. Ille sortiva rapidemente e trovava que le Sr. Cela la sperava. Ille pareva preoccupate.
     "Teresa, pote tu inseniar mi classe  comeciante de banda? Mi sposa ha essite in un accidente… Que illes practica le canto del schola. Le musica es in le cabinetto; tu sape, tu lo trovara quando  tu aperi le cabinetto."
     "Si, Sr. Cela."
     "Gratias, Teresa. Io sapeva que io poterea contar con te." Ille sortiva urgentemente per le corridor.
     Per un momento, illa lo mirava sortir. E alora illa partiva in haste verso le sala de banda. Al entrar le prime porta, a sinistra, esseva le cabinetto. Nemo in le classe la videva.
     Illa palpava pro le interruptor de lumine al mesme vice que tirava del porta pro clauder la. Ille cercava le musica que necessitava in  le plancas del cabinetto. Le lumine se extingueva e retornava accender se.
     Teresa se mirava in alto e se immobilisava. Que esseva ille tonitro terribile? Super le ruito illa audiva critos. Le lumine se extingueva e toto esseva in obscuritate.
    In circa illa habeva ruitos de ruptura. Le solo pareva trepidar. Il occurreva un explosion e le tecto esseva violentemente avellite. Le pluvia cadiva super su capite, su corpore, e tote cosa del cabinetto.
     Timorosemente illa mirava in alto. Pecias de stanno, fragmentos de material pro tectos habeva cadite. Alco nigre e pesante la colpava in le bracio --e alora cadeva a su pede. In circa illa se rumpeva vitro. Subitemente alco le colpeava le capite. Illa habeva un instante de dolor, videva lumines fulminante e depost --nihil.
     Un poc tempore plus tarde, Teresa aperiva su oculos. Le aqua guttava  super su facie. Illa focalisava su oculos, ma non habeva expression alcun in illos. Le celo esseva gris super illa. Il pareva como si illa esseva in un  fossa. Un grande e longe banda de alco nigre se suspendeva del bordo del fossa. Que le habeva occurrite?
     Teresa tornava su capite, e depost  claudeva su oculos usque le dolor cessava. Subito, illa sapeva. Le idea saltava in su mente. Illa esseva in le cabinetto del sala de musica! Depost illa recordava plus. Le tonitro, le horribile sonito del materia que se partiva. Un tornado!
     "Sr. Cela!" Critava illa.
     No respondeva. Claro que non; ille habeva petite le que illa insenia su classe de banda.
     "Auxilio!"
     Il non habeva responsa. Illa ascoltava. Il habeva ruitos, ma non veniva del camera al altere latere del pariete. Illa debeva escapar de iste fossa!
     Un cassa pesante esseva super su  gambas. Illa lo pulsava de maniera que lo inverteva. Le gambas esseva  libere. E non esseva ferite.
     Cautemente Teresa se levava in pede. Illa reposava su capite contra le bordo del cabinetto. Illa se sentiva debile e a mal de mar. Le sensation  subsideva.
   Il esseva curiose que que illa non poteva audir voces in le sala de musica. Con caute passos --il habeva vitro rumpite sub su pedes --illa arrivava al porta. Illa tornava le serratura e pulsava. E pulsava plus, ma non se moveva. Habente timor, illa colpava le porta con su  pugnos.
     "Auxilio! Io non pote sortir!"
     Non respondeva nemo. Nemo veniva. Illa se reposava contra le porta. Su oculos esseva plen de timor. Ubi esseva le alteres?
     Illa debeva ascoltar cautemente, discerner si habeva passos e dunque critar.
     Le Sr. Cela la cercarea. Nonobstante, ille habeva sortite del edificio ante de que le tornado arrivava. Forsan ille non revenirea tosto. Sin dubita, alcun persona  notarea que illa habeva disparite! Le sra. Restrepo rememorarea que illa habeva sortite del classe de anglese. Ma forsan no saperea que Teresa habeva ite al aula de musica.
     Con un salto subite, Teresa colpava le porta e critava un vice e altere, "Auxilio! Per favor, que alqui me adjuva!"
     Un altere vice nemo veniva. Nemo respondeva.       [ Continuation ]

Le lumine se extingueva e retornava accender se.
* * *
Teresa mirava in alto e se immobilisava

In Principio | Tornado I | Tornado II | Al Fin