Free Web Hosting Provider - Web Hosting - E-commerce - High Speed Internet - Free Web Page
Search the Web

In Principio

In principio… Omne cosas ha su principio. Alcun vices le principio de un cosa es le fin de un altere. Le gente que sempre inventa principios cerca indefatigabilemente pro le melio comenciamento de su affaires de negotios, de politica, de actos criminal, de vengiantias, de romances e  de amor. Regrettabilemente, multe comenciamentos non ha  continuation e non ha fin. Ma non le tornado!
     Le tornado veni subito, cade al solo como un sagitta celestial e marca su injustitia impartial super le tote terra in su via. Iste paginas io dedica al familias supervivente del tornados --a su fortia e su dolor commun.
   Hic in iste paginas io offere un traduction de un historia in duo partes, titulate "Tornado I" e "Tornado II". Io spera que vos que lege lor phrases pote imaginar le experientia de superviver le attacco de un tornado. Io spera que vos non ha nunquam un experientia real con illos. Mi odio del fortia destructive del tornados al superviver su presentia diabolic diminueva con mi studio de iste phenomeno natural.
     Hodie io studia iste phenomenos e tenta comprender su comenciamento, disveloppamento e termination in le tempestas de tonitros, de grandine, e de pluvias torrential. Pro poter dar notitia avantiate del occurrentia de iste phenomenos nos necessita comprender como illos comencia e qual es le fonte de su fortia tanto poterose.
     Le duo historias hic presentate, "Tornado I" e "Tornado II" esseva scribite per Elizabeth Eicher, e apareva in revistas como le "Young Miss Magazine" e le "Parents' Magazine" e in un libro de historias titulate "De nuevo" con illustrationes per John Freas. Nunc io lo presenta hic como un practica de traduction a iste international lingua in le qual io scribe iste introduction. Si vos vole apprender plus de iste lingua international vos pote inviar me un nota a mi cassa de posta electronic o visitar mi lista de ligamines "Al Fin".
     Gratias pro visitar. Io spera que vos revenira e forsan mentionara iste sito a vostre amicos.
     --Tifani Allen

Iste paginas es scribite in Interlingua. Interlingua es un lingua auxiliar e international de vocabulario accessibile e comprensibile, con rhythmo musical e un grammatica simple e facile a apprender. Pro practicar Interlingua lege le historia del tornado. E pro apprender Interlingua visita le lista de ligamines "al fin".

Le Paginas del Tornado

In Principio | Tornado I | Tornado II | Al Fin

Invia me un nota:


Email: tif@techie.com

Tornado